دى الاقسام الموجوده في السويس بالتفصيل🌿🌸
وصول للمليه عشان الى يروح يقدم ما يتوهش الكليه الوحيده الى ليها كوبري 😂😂
وجنبها في مسجد
🔹 كلية ثروة سمكية السويس 🔹
هي اكتر كلية فيها تعدد ف البرامج ومتقسمة لقسمين ( اساسي _مميز ) دي الاسامي الدارجة ليهم بس هما كبرامج ف اللايحة بتاعه الكلية ف هما ٣ برامج و اسمهم (تكنولوجيا الاستزراع المائي _ تكنولوجيا المصايد الداخلية _ تكنولوجيا المصايد البحرية ) اول اتنين دول اساسي يعني فلوسهم ومصاريفهم زي المصاريف العادية بتاعه اي كلية...اما التالت فهو مميز يعني هتدفع مهو مميز مفيش حاجه ببلاش 😂
و المميز دا فيه تلت اقسام هنقولهم دلوقتي ......
- الاساسي دا ف العادي كدا هما ( استزراع ومصايد ) عشان متتلخبطش فهنشرحلك اي هما البرنامجين دول :
استزراع مائي ◀اشهر قسم ف الكلية بتتأهل فيه انك تبقي ( مهندس استزراع مائي ) وبتتخرج منه تاخد بكالوريوس هندسة استزراع مائي وتشتغل ف مزرعة سمكية كمهندس ، ومجال دراستها انك بتاخد مواد بتعرفك ازاي تربي السمك ف بيئة انت متحكم فيها بحيث تعملله موائمة لبيئته الطبيعية و بتتحكم ف جودة الماية والعلف وكل دا عشان يطلعلي انتاج ، بالنسبة لكلية كفر الشيخ مينفعش تخش القسم دا غير وانت علمي علوم بس باقي الكليات ممكن تخشه وانت علمي علوم او رياضة .
مصايد ◀ دا يعتبر مش قسم اد مهو علم ، يعني دراسته واسعه وشامله كل الكائنات الحية اللي موجوده ف اي مسطح مائي و بتهتم بانها تدرس المخزون السمكي وازاي تعمل شباك صيد حديثة و طبعا فيه زيارات للمواني عشان تدرس حاله الصيد والمراكب وخلافه .
- كدا خلصنا الاساسي نتكلم علي المميز وهما تلت اقسام ( هندسة الصيد البحري _ مراقبة السلامة البحرية _ ملاحة الصيد البحري )
(من الاخر كل الاقسام دي بتاهلك انك تبقي ربان سفينة صيد )
١-هندسة الصيد البحري ◀ بتبقي مهندس بحري ع سفينة صيد و تبقي قادر انك تشغل السفينة وتعمل صيانة للالات المتحركة
٢- مراقبة السلامة البحرية ◀ بتكون ( مفتش بيئي بحري ) بتراقي كل الاجراءات عشان تحمي البيئة البحرية
٣- ملاحة الصيد البحري ◀ هي بتأهلك انك تبقي قادر تستخدم الاجهزة الملاحية و تحدد تجمعات السمك وبتدرس المواد الملاحية زى الملاحه الساحلية والفلكية والالكترونيه والأجهزة الملاحية والرادار والسونار وتخطيط الرحله البحريه وحاجات كتير بالاضافه بقا للمواد بتااعه قسم مصايد زى حرف الصيد وتصميم وتصنيع شباك بس من الآخر يعنى بدرس كل حاجه تفيدنى لو طلعت على سفينه صيد .
نظام الدراسة*
*عبارة عن ساعات معتمدة كل ترم يتراوح من ١٧ الى ٢٠ ساعة*
*السنة فيها ترمين*
وممكن يتزود ترم صيفي وده بيبقى اختيارى 😌
لو حد وقع فى مادة بياخدها سمر كورس فى الإجازة
مجالات العمل لخريجي كلية الثروة السمكية💛❤️
تعتبر مجالات العمل المتوفرة لخريجي الكلية؛ هي إنشاء المزارع السمكية بالطرق الحديثة، والعمل في مجال الاستزراع السمكي البحري، والمفرخات، بجانب العمل في مجال الغذاء الطبيعي للأسماك، ومصانع التعليب والحفظ، وفي مصانع التدخين.
بالإضافة إلى مراكز البحوث، وفي مجال الجدوى الاقتصادية، والعمل فى إدارة تسويق الأسماك والمصايد، وفي مجال سفن الصيد كضابط ثالث، وفي مجال تصنيع وتصميم معدات الصيد الحديثة.
المشاركات
